HSPDP-in inthlanah party mala chuh tum

Meghalaya Hill State People’s Democratic Party (HSPDP) chuan 2018-a State Assembly Election an hmachhawn turah party mala chuh an tum thu an sawi.

HSPDP te hian Thawhṭanni khan Shillong-ah Central executive committee an nei a, party president Ardent Basaiawmoit chuan party mala an din tur thu hi a puang a ni. HSPDP thutlukna hian North East Democratic Alliance (NEDA) hmachhuana hma la mek BJP-in Congress sorkar paihthlak tuma an hmalakna a tihkhaihlak theih rin a ni.

HSPDP te hian NEDA zawm tura sawmna chu an lo hnar tawh a, Regional Party tan zawm a him lo niin an sawi. Basaiawmoit chuan politics-ah chuan Assam leh Meghalaya chu a hrang hlak a ni tiin, theihtawp chhuaha party mala beih chu an duhthlanna a nih thu a sawi.

Basaiawmoit chuan state hmasawn nana hnathawh chu an thlawp tih sawiin, South West Khasi Hills-a Uranium Mining kalpui mek erawh an dodal tih a sawi bawk.