Manipur ṭawngin Indian Constitution let dawn

Manipur-a Directorate of Printing & Stationery chuan India danpui (Indian Constitution) chu Manipur ṭawng (Manipuri)-a let turin hma a la mek.

Assistant Director Toijam Devanan-da chuan Thawhlehni khan Directorate chuan India danpui Manipur ṭawnga let tur leh mipuite chhiar theih tura tlangzarh tura hma an lak tur thu hi a sawi a ni. A print nan hian UV curving machine (3D) hman tum a ni a, Printing & Stationery hian printing, binding leh publication te a buaipui dawn a ni. Directorate of Printing & Stationery hian Programmable paper cutting machine, Gathering machine, Section sewing machine, perfect binding machine, UV Curving machine leh color digital printing machine te a nei tih Assistant Director Toijam Devananda chuan a sawi bawk.

Directorate hian kum 2015-16 chhung khan Non Tax Revenue aṭangin sum nuai 10.02 a hmu chhuak a, sorkar kum kal mek 2016-17-ah hian nuai 8.92 an hmu chhuak tawh tih Devananda chuan chuan a sawi.

Manipur-ah hian kum 1919 khan State Printing Press din a ni a, July 25, 1979 khan Directorate of Printing & Stationery-ah hlan kai a ni. Director hna hi Selection Grade MCS officer emaw IAS officer ten an chelh ṭhin a ni.