Ram leina tur Rs vbc 90.60 pe

Ministry of Home Affairs (MHA) chuan Tripura-a South district-a Sabroom hmuna integrated check post (ICP) siamna tur ram leina atan cheng vaibelchhe 90.60 a pe

Land port authority of India (LPAI) section officer Ajya Kumar chuan home ministry hian Indo-Bangladesh border, Sarboom-a ICP siamna tur ram leina hi a pek thu a sawi a ni. 

Chief minister Biplab Kumar Deb pawhin hemi chungchang hi social media lamah a post a, Tripura chuan hmasawnna kawng a zawh zel tih a sawi a ni. CM chuan Sabroom-a ICP siam tur chu Indo-Bangladesh inlaichinna atana thil pawimawh tak tur a nih thu sawiin, Tripura-in economy lama hma a sawnna tur atan pawha thil ṭangkai tak tur a ni, a ti. 

CM chuan Tripura mipuite aiawhin prime minister Narendra Modi leh union home minister Amit Shah-te chungah lawmthu a sawi tih a tarlang bawk. 

ICP bakah Sabroom-a Paschim Jalefa-ah sepcial economic zone (SEZ) siam a ni dawn bawk a, SEZ hmang hian state chhunga ṭhalai hna nei lo mi 5,000 velin hna thawh tur an neih phah dawn a, skilled worker 12,000 chuang pawh hna thawh tur siamsak an ni dawn a ni. SEZ siamna tur lungphum hi phum a ni tawh a, cheng vaibelchhe 2,000 senga zawh fel theih beisei a ni.