Nagaland Governor-in Lokayukta din duh

Nagaland Governor PB Acharya chuan state sorkar chu Lokayukta Bill chungchangah hma la thuai tur leh a taka hman a nih theih nan hma la turin a ngen.

Acharya hian Nilaini khan thuthar thehdartute hmaah, tun hnaia petrol chungchangte, pension fund, education scho-larship chungchangte chuan Lokayukta din a ṭul zia a tichiang a ni, a ti. Lokayukta chu India ram state eng emaw zatah hman a nih tawh thu sawiin, hmarchhak state-ah ngeiah pawh hman a nih tawh a ni, a ti. Kawng hrang hrangah sorkar ngel nghet zawk leh ṭha zawk a awm theih nan Lokayukta din chu thil tih makmawh a ni tiin, state sorkar chu hma la thuai tura a duh thu a sawi. Lokayukta chuan eiruk dona kawngah nasa takin a pui thei tih sawiin, state hmasawn nana thil ṭangkai tak a ni a ti. "Mipuiten sorkarah beisei sang tak an nei tih kan hriat nawn fo a ngai a, an beisei ang ngeia sorkar ṭha kan din a ngai a ni."

Governor PB Acharya chuan Assembly-ah Lokayukta Bill chu put luh a nih thuai theih nan leh a taka hman a nih thuai theih nan hma lak a tum thu a sawi bawk.