Mipui ngaihdan lak a ni ang - Meghalaya CM

Meghalaya Chief Minister Mukul Sangma chuan Uranium Mining chungchangah pawl hrang hrangte leh mipuite ngaihdan lak a nih tur thu a sawi.

Uranium Mining kalpui tura hmalakna chu pawl hrang hrangte chuan an duh loh thu an sawi tawh a, state sorkar chu hma la thuai turin an ngen. He mi chung changah hian Sangma chuan pawl hrang hrangte dodalna chu sorkar chuan a hriatpui thu sawiin, mipuite ngaihdan lak a nih tur thu a sawi.

Tun hnai khan Uranium Mining atan hian Uranium Corporation of India Limited (UCIL) chuan tender notice a chhuah a, West Khasi Hills chuan an dodal thu an au chhuahpui nghal. Khasi Hills Autonomous District Council te chuan an duhloh thu an sawi tawh bawk. Sangma chuan Uranium Mining chuangchangah dodalna nasa tak a awm avangin mipui nawlpui ngaihdan lak a nih tur thu hi Nilaini khan a puang ta a ni.