Kaziranga National Park tlawh turin Akshay Kumar sawm

Kaziranga National Park (KNP), Assam-a director P Shivakumar chuan bollywood megastar Akshay Kumar chu Park tlawh turin an sawm a, nakkum February-March inkar velah a kal theih an beisei tih a sawi. 

Kum 2019-a Assam tuilian nasa tak thlen ṭum khan Akshay Kumar hian Park ṭanpuina tur sum ṭhahnem tak a pe a, a sum pek hmang hian Badordubi-ah kawng siam a ni. He kawng hi tuilianin Park a chim pawhin ramsa te hmun sang lama sawn chhuahna tur kawng atan hman a ni ang. Hei bakah hian relief camp-a hman tur electric boat pahnih, 'Akhay Rath' tih chu lei a ni bawk. 

P Shivakumar chuan Akshay Kumar sum pek hmang hian tiger project area bul, Kukurakta hill-ah water conservation model thar siam a ni dawn tih a sawi. Heng hnate hi thawh zawh a nih hunah Kumar hian a tlawh dawn tih a sawi a ni.