Zirlai ten ILPS hman phutin kawng zawh

Manipur-a zirlai ṭhenkhatte chuan Inner Line Perit System (ILPS) chungchangah lung-awilohna an lantir a, an zinga mi ṭhenkhat chu police ten an man. Zirlaite kawngzawh te hian ILPS hun rei tak chhung tihkhawtlai tawh chu hman thuai an phut thu an au chhuahpui a ni.

Joint Committee On The Inner Line Permit System (JCILPS) hruaitu Khomdram Ratan chuan zirlai an man te hi Irom Jotin (Liberal College), RK Sitam (Johnstone Higher Secondary School), Leonardo (Churachand Higher Secondary School) leh Ningthoujam Linthoi (Lamlong Higher Secon-dary School) te an nih thu a sawi. Churachand Higher Secondary School, Johnstone Higher Secondary School leh UNNACO School zirlaite chuan Inrinni khan kawng zawh an huaihawt a, police te chu buaina chhuak thei vengin an hmanhlel hle. Police te chuan zirlai pung zel tur vengin Johnstone Higher Secondary School leh TG Higher Secondary School main gate chu an khar sak a ni. Zirlai pungkhawmte hian Singjamei lei chu hun rei vak lo chhung an khar a, lirthei che vel a khaihlak hman hle.

Singjamei police station SDPO M Roni chuan zirlaite chu lei an khar chu titawp tura ngenin, lei chu hawn zui leh a ni. Zirlai lung-awilohna lantira pung-khawmte hian kawng an zawh zui a, an thil phut hrang hrangte an au chhuahpui a ni.

Zirlai ṭhenkhat, a bikin tribal zirlaite chuan Inner Line Permit System chungchanga an lungawiloh avang hian chaw nghei an kalpui a ni.