Meghalaya sorkar-in zirtirtu hlawh tipung

Meghalaya sorkar chuan Ad Hoc secondary leh higher secondary school zirtirtute hlawh chu 100%-a tihpun a remti. He ruahmanna hian Ad Hoc school 1068-a zirtir-tu 3212 te a huam ang.

Meghalaya Commi-ssioner & Secretary in-charge Education DP Wahlang chuan sorkar thuchhuak hi puangin, Secondary zirtirtute hlawh Rs 10,000 ni ṭhin chu Rs 20,000-ah tihpun a ni a ti a, Higher secondary school zirtirtute hlawh pawh Rs 12,000 aṭangin Rs 24,000-ah tihpun a ni dawn tih a sawi. Science zirtirtu hlawh Rs 11,000 ni ṭhin chu Rs 22,000-ah a kaisang dawn bawk a ni. Wahlang chuan zirtirtu hlawh 100%-a tihpun a nih avanga kum khat chhunga sum sen belh ngai zat chu cheng vaibelchhe 40.29 a nih thu a sawi.