Ratan thubuaiah Manipur HC inrawlh

Manipur High Court chuan Joint Committee on Inner Line Permit Systems (JCILPS) hruaitu hlui Khomdram Ratan laka thubuai ziah luh chu vawiina chingfel turin Zirtawpni khan thupek a chhuah.

Justice N Kotiswar leh Justice Kh Nobin-te chuan Zirtawpni khan Ratan thubuai chinfel hun tur hi an ngaihtuah a ni. Chief Justice RR Prasad leh Justice S Serto te chuan Ratan-a thubuai hi Division Bench-a chinfel turin July 20 khan a hlan. Court chuan Ratan-a chungchang chu chingfel vat turin a hriattir a, hun rei tak chhung chinfel loha a awm chuan police te chuan CrPC leh Constitutional rights an bawhchhe thei dawn niin a sawi.

Khomdram Ratan hi hel pawl United National Liberation Front (UNLF) te nena inzawmna neia puh a nih bakah Joint Committee on Inner Line Permit Systems (JCILPS) hruaitu a nih laia dan vawi eng emaw zat bawhchhiaah puh a ni a, July 2 khan a lakah thubuai eng emaw zat ziahluh a lo ni tawh a ni.