Meghalaya sorkar-in UCIL-ah ngaihdan thlen

Meghalaya Chief Minister Dr. Mukul Sangma chuan Uranium Mining kalpui mek chungchanga pawl hrang hrangte leh mipuite ngaihdan chu Uranium Corporation of India Limited (UCIL)-ah thlen a nih thu a sawi.

CM kaihhruainain Zirtawpni khan pawl hrang hrang aiawhte chuan Shillong-ah meeting an nei a, Sangma hian tunhnai khan Uranium Mining kalpui danah hian mipui leh pawl hrang hrang ngaihdan lak a nih tur thu a lo sawi tawh a ni. Meeting-ah hian pawl hrang hrang Khasi Students Union (KSU), North East Students Organization (NESO), LYWA, Joint Action Committee of Social Organi-zation (JACSO), JAC leh Nongstoin-Wahkaji-Mawthabah aiawh te an tel. Sangma chuan kalkhawm te chuan UCIL ten rawtna siam leh an hmachhawp te chu an thlawp tih sawiin, UCIL hian hma an lak chhunzawm mai loh avanga sorkar laipui dawr a duh thu a sawi.

Mipuite chuan sorkar ring ngam se a duh thu sawiin, CM chun UCIL te hnathawh tichak turin state sorkar nen ṭanrual a ngai a ni, a ti. Uranium Mining kalpui tur hian Land Transfer Act chu hman a ni dawn a ni. Nongstoin – Mawthabah road project kalpui turin sorkar laipui pawmpuina nghah mek a nih thu leh, hna chu
ṭan mai theiha peih a nih tawh thu Sangma chuan a sawi bawk.