Leiminin khaw 17 kalpawhna dang

Maghalaya-a Maw-syn-ram biala cheng te chuan July 18 khan leimin nasa tak an tawk a, tun thlengin thenfai a la ni lo.

Leimin nasa tak hian kawngpui pawimawh a hnawhpin avangin, Phlang Mawsyrpat, Tyng-nger, Dewsaw, Ja-niaw, Thyllaw, Nong-rim Warding, Maw Dyng-khied, Mawlyngbna, Umtyllun, Mawtepiew, Lawbah, Nonglait, Sinai, Nongtrai, Mawkhan leh Mawdon khua te chuan harsatna an tawk nasa tawh hle. Khaw hrang hrangte chuan PWD Minister, Sniawbhalang Dhar chu chak taka hma la turin an ngen a, hun rei tak harsatna tawh tawh chu sutkian sak turin an phut tih an sawi. Minister hnena an lehkha thawnah chuan, July 18-a leimin chuan an kawng pawimawh ber a hnawh ping tih sawiin, a thian ai turin hmalakna mumal a awm lo a ni an ti a, an harsatna tawh mek chu hriatthiampuia hma la thuai tura an duh thu an thlen a ni. Nitin mamawh lakkhawm kawngah harsatna an tawk mek tih sawiin, thil man a sang chho mek a ni an ti. An harsatna tawh ngaihthah a nih chungchangah hian bialtu MLA PN Syiem hnenah pawh memorandum an thehlut tawh tih an sawi bawk.