UPLA commander Nikunja Kathar man

Hmarchak hel pawl lian tak pakhat United Peoples Liberation Army (UPLA)-a an commander-in-chief Nikunja Kathar chu Thawhṭanni khan Assam-a Diphu-ah man a ni.

Nikunja Kathar hian thubuai tam tak a nei mek a, pawngsual thubuai thlengin a nei nia tarlan a ni. A rual hian a thurualpui pahnih te chu man tel an ni a, silai leh a mu an kawl lai chu an man sak bawk. UPLA te hian Karbi Anglong velah training camps buatsaih an tum nia hriat a ni.

Kathar hi kum 2014 khan man a ni a, November 2014 khan bail-a chhuah a ni. Pawikhawihna thleng hrang hrangah a inhnamhnawih tih hriat a ni a, tunhnai khan United Liberation Front of Western South East Asia hmalaknain Myanmar a tlawh nia hriat a ni a, hel pawl NSCN-K, ULFA-I leh KPLT te nen inbiakna an nei nia sawi a ni bawk