Tripura-ah tuialhthei inlak chhawk dawn

Tripura sorkar chuan oil lama har-satna nasa tak an tawh mek avangin, inrenchemna kawng khat atan “odd-even” system hmangin oil pekchhuah a tum.

Lirthei registration number kawpkim leh kawpkim lote chuan a inchhawkin filling statoin aṭangin oil an la thei dawn a, number kawpkim lote chuan ni kawpkim lo niah an la thei ang a, number kawpkimte chuan ni kawpkim niah an la thei bawk ang. He ruahmanna hian two-wheeler pawh a huam dawn a, he system hi vawiin aṭangn hman ṭan a ni ang.

Tripura hian kawngpui chhia avangin harsatna nasa tak an tawk mek a, mamawh lakkhawmna kawngpui pawimawh National Highway chu thla thum dawn lirthei kal tlang theih lohin a awm tawh a ni. Food and Civil Suppplies Minister Bhanulal Saha chuan kawngpui chhiat vang hian an state-in tuialhthei a mamawh zat aṭanga 50% chauh an la lut thei tih sawiin, hei vang hian oil semchhuah danah ruahmanna thar hi an siam ta niin a sawi.