LNC-M ten Nepali dodal

Liangmai Naga Council, Manipur (LNC-M) te chuan an ram chhunga Nepali-te inbenbel ve theih nana hmalakna chu an dodal tlat dawn tih an sawi.

LNC-M te chuan Sadar Hills area-ah hmasang ata tawh Nepali eng emaw zat an cheng ṭhin tih sawiin, Naga tribal te leh Nepali te hian tun thlengin inlaichinna thuk tan an nei a ni. Kum 1930 chho khan British chuan tribal te chenna ramah hian Nepali te chu an chen ve a phal sak a, Irang area-ah chuan hun bi tukin ran vulha an chen a lo phal sak tawh a ni. Ranvulhtute hnen aṭang hian state sorkar chuan chhiah a la ṭhin. LNC-M te chuan tun thlengin land tax chu Thonglang Akutpa, Thonglang Atongba, Tapon Naga, Harup Naga leh Makui te chuan tribal customary law hmangin an la chawi a ni an ti. Mahse Nepali te hi an ram ang maia an khawsak reng hi a rem lo a, ram leilung faah chhiar theih an ni lo a ni tiin LNC-M chuan a sawi.