Kohima-ah Chietu Airport din

Nagaland Lok Sabha MP ni lai leh state chief minister pawh lo ni tawh Neiphiu Rio chuan sorkar laipuiin Civil Aviation Policy thar a duang ta chu lawmawm a tih thu sawiin, chu chuan hmarchhak ten air service-ah hma an sawn pha ngei a rin thu a sawi.

Neiphiu Rio chuan hun rei tak chhung India ram state capital zinga Airport nei lo an nih reng hnua Kohima-a Chiethu Greenfield Airport din a ni thei ta chu thil ropui tak a ni, a ti. Chiethu Airport chu national project-ah telh turin a ngen a, Prime Minister Narendra Modi chu vansang lama inkalpawhna kawngah hmarchhak ngai pawimawh turin a ngen bawk.