Meghalaya: Assembly complex sak hun chhung pawh sei ngai

Meghalaya Legislative Assembly complex thar tur, Mawdiangdiang-a sak mek chu tih khawtlai a nih fo avangin, a sak zawh hun tur atana ruahman chu thla khat dang pawhsei a ngai dawn niin Assembly speaker Thomas A Sangma chuan a sawi.

Assembly building hi ruahman lawk ang chuan September 30 hi sak zawh hun tura tih a ni a, mahse hemi hunah hian zawh hman a ni dawn lo a ni. Sangma chuan hun an la mamawh belh dawn tih a sawi rual hian, he project zawhfel thuai theih chu a duh thu a sawi bawk.

Sangma hian hna thawhna hmunte tlawh a, review meeting an neihah hna thawh mek an beisei aiin muang deuh mah se, an thawh ṭhat thu a sawi. Building awmna hmunhma leh a chhehvel boruakte a lo nawm zawk nan leh a lo hrisel zawk nan Forest leh Horticulture department te chu thing phun uar turin a hrilh bawk a ni.