Assam : Dibrugarh district-ah khaw lum vangin school kal hun tidanglam

Assam hmun ṭhenkhat chuan khaw lum nasa tak an tuar mek a, hei vang hian thuneitute chuan school kal hun an ti danglam.

Dibrugarh-a District Elementary Education Office chuan September 20 khan thuchhuah siamin AHSEC, SEBA, ICSE leh CBSE hnuaia zirna in hrang hrangte chu khaw lum avanga naupangten an tawrh lohna turin an zirna kalpui hun thlak danglam turin a ti a, zirna hun ṭan hmaa, bang hma turin a ti. Dibrugarh district-a school hrang hrang te chu zing dar 8 ah ṭan niin, school assembly pawh inchhungah neih tur tih a ni a, a hun chhung an tih tawi bakah zirlaite pawh thawmhnaw hak nuam zawk inbel an phalsak a, boruak uap ven nan ventilation ṭha tak nei turin an ti bawk.

Power supply tawp thut tur ven nan power backup nei turin school-te chu hriattir an ni a, zirlai naupang te chu sandal bun an phalsak a, waistcoat leh tie tello pawh a school kal an remtih sak bawk a ni. School kal hunbi thlak danglam hi thupek thar tih chhuah a nih leh hma chu hman a ni ang.

Kamrup Metro district-ah pawh zing dar 7:30-ah school ṭan a, chhun dar 12:30 hmaa bang hman tura tih an ni bawk.