Manipur: Bishnupur-ah ralthuam thuhruk hmuchuak

Manipur police-te chuan Bishnupur district-ah ralthuam ṭhahnem tak thuhrukna an hmuchhuak a, heng zingah hian rocket-popelled grenade pawh a tel a ni. Police-te hian report an dawn bawhzuiin Thawhṭanni zinga ralthuam zawn beihpui an thlak a, Machin-Mano hillock a camp rauhsan tawh chu dapin ralthuamte hi an hmu chhuak ta a ni. An ralthuam hmuh zingah hian Self-Loading Rifle (SLR) leh a mu, Rocket-propelled grenade (RPG), RPG shell chargers, High Explosive-36 hand grenades, Chinese hand grenade leh WT handset "BAOFENG, UV-5R" tih inziak an tel.

Ralthuam an hmuh chhuah kaihhnawihah hian police-te hian man an la nei lo a, mahse tualchhung buaina thleng mek nena inkaihhnawih ni ngeia an rin avangin an chhui zui mek a ni. Heng an thil mante hi zirchian turin an la kawl zui a ni.