ATSUM-in ST Commission din an phût

Manipur-a tribal zirlai pawl, All Tribal Students` Union Manipur (ATSUM) chuan Manipur State Commission for Scheduled Tribe din an phut thu BJP president Amit Shah hnenah an thlen.

Shah hnena memorandum an thehluhah ATSUM chuan Manipur-a tribal te harsatna hrang hrang tarlangin, a rang lama tribal te harsatna chinfel Scheduled Tribe Commission din chu thil ṭul a ni, an ti.

ATSUM chuan Manipur Legislative Assembly-a tribal te quota chu dik lo hman a nih thu an tarlang bawk.

"Manipur phaia chengte leh tlang mite chu kawng hrang hrangah an inthlau hle a, hei hi hun rei tak chhung tribal te ngaihthah an nih vang a ni," tiin ATSUM chuan a tarlang bawk.

Tribal zirlai pawl chuan Congress party kaihhruai state sorkar chu India danpuiin tribal te a humhalhna leh hamṭhatna a siamsakte chu a taka tihpuitlinsak thei loah a puh bawk a, Manipur-a tribal te dinhmun chawi kan nan BJP president Shah chu theihtawp chhuahsak tura an ngen thu an tarlang bawk.