Manipur : Kuki pawlin September 28-ah 'shutdown' puang

Manipur-a Kuki pawl hrang hrangte chuan intelligence report aṭangin Meitei hoin Kuku-Zo mite beih an tum nia hriat a nih avangin September 28, 2024 hian state pumah curfew, 'total shutdown' an puang.

Indigenous Tribal Leaders' Forum (ITLF) leh Kuki Inpi, Manipur chuan thuchhuah hran ve ve siamin, Kuki-Zo mite chu September 28-ah pawn chhuak lo tur leh, 'village volunteer' te pawh inralring renga awmtir turin an hrilh. Kuki-Zo chenna huam chhungah chuan September 27-29 chhung chu zirna in hrang hrang khar tura tiin, September 26-29 chhugn chu ramri khar a, tumah lut leh chhuak awm lo turin an chah bawk.

Kuki Inpi chuan Manipur sorkarin Kuki hel 900-te September 28-ah pawikhawihna thlen turin Manipur-ah an lut ru nia a sawi chu sorkarin Kuki-Zo mite beih a tumna hmanrua mai a ni tiin, Kuki hel an lut nia a sawi chu thu dik lo a nih tih an tarlang.