Assam : Sorkarin Goalpara forest-a chhungkua 450 sawnchhuak

Assam sorkar chuan Goalpara district-a Bandarmatha Reserve Forest huamchhung, ram 55-60 hectare a zau a cheng,mi 2,000 dawn chu Thawhlehni khan an chenna hmun aṭangin a sawn chhuak.

Official-te chuan heng hmuna chengte sawnchhuah an nihna chhan pakhat chu sai leh mihring inkara buaina thleng ṭhin venna leh mihring nunna chhanhimna atan a tih a nih thu an sawi a, he bial chhungah hian kumtin sai chetna avangin mi 25 velin nunna an chan ṭhin a ni.

Goalpara Divisional Forest officer Tejas Mariswamy chuan Gauhati High Court-in reserve forest area-a dan phal loha chengte thianfai tura thupek bawhzuiin insawn chhuah tir an ni tih a sawi. Sorkar ram chin chhinchhiahna leh flag march an neih hnuin a tam zawk chu anmahni thuin an lo insawnchhuak tawh bawk.

Official te chuan ramhnuaia chengte chhuahtir an nih chuan ram ngaw chereu tur a veng dawn a, sai te tan pawh chenna nuam, ram ngaw a awm thei dawn a ni, an ti. Tun ṭum hi Goalpara-a sorkar rama chengte sawn chhuah a ni ṭum thumna a ni.