AP : Ramakrishna Mission Hospital khum 200 awm theihnaah siam dawn

Arunachal chief minister Chief Minister Pema Khandu chuan Itanangar-a Ramakrishna Mission Hospital (RKMH) chu khum 200 awm theihnaa tihchangtlunna turin fund pek a ni dawn tih a sawi.

Chief Minister hian Thawhlehnia RKMH-a liquid medical oxygen (LMO) plant a hawnnaah he thu hi a sawi a ni. LMO plant-ah hian oxygen litre 10,000 thun theihna awmin, a rualin oxygen cylinder 40 an thun rual theih a, ICU, emergency care centre pakhat, police chowki, leh sports arena a awm bawk.

RKMH-ah state sorkarin NHM kaltlangin LMO plant leh oxygen cylinder refilling station siam a tum thu CM chuan sawiin, hemi bakah state budget aṭangin emergency unit awmsa chu emergency care centre-ah tihchangtlun a tum a ni, a ti. "Covid-19 hri leng aṭang khan zirlai kan zir a, healthcare system lamah hma la nasa turin min ti ṭhangharh a ni. Vawiinah chuan district tina hospital, PHC leh CHC te chu infrastructure thar leh an mamawh bungrua thar chi hrang hrang nen thuam ṭhat an ni tawh a ni," tiin a sawi.

Pema Khandu chuan Arunachal Pradesh-ah PPP mode hmangin medical college pahnih sak belh a nih tur thu a puang bawk.