Assam CM hlui Gogoi ICU-ah dah

Assam chief minister hlui, Covid-19 a kai avanga Guwahati Medical College Hospital (GMCH) enkawl mek, Tarun Gogoi chu Ningani khan a oxygen level a tlakhniam avangin intensive care unit (ICU) ah dah a ni. 

Kum 85 mi, Gogoi hi August thla khan Covid-19 a kai tih hriat chhuah a ni a, damdawi-inah enkawl niin health minister Himanta Biswa Sarma chuan Gogoi vil tur leh a dinhmun thlithlai tur bik doctor team a ruat nghal a ni. Ningani khan Gogoi hi a dinhmun a tlakhniam deuh avangin ICU-ah dah a ni a, mahse zan lamah chuan a ziaawm deuh nia sawi a ni. 

Ningani zan khan Health Minister hian damdawi-inah kalin Gogoi chanchin a ngaihven zui nghal a, a enkawltu doctor-te pawh a kawm nghal a ni. Nimin khan Gogoi enkawltu doctor-te hian video conference hmangin New Delhi-All India Institute of Medical Sciences (AIIMS) specialist-te chuan Gogoi dinhmun leh an enkawl dante an sawipui a, New Delhi-a hruai a ngaih dawn leh dawn lohte pawh an sawiho bawk.