Associate official language-a Manipur telh turin Assam CM ngen
Rajya Sabha MP leh Manipur lal thlah, Sanajaoba Leishamba chuan Assam chief minister Sarbananda Sonowal hnenah Manipuri ṭawng chu Assam associate official language-a telh turin a ngen.
Assam CM hnenah lehkha a thawnah, Leishembma chuan associate official language-a Manipur ṭawng telh chu Assam-a Manipur mite identity, history, culture leh tradition venhimna atan a pawimawh tih sawiin, hei hian Manipur leh Assam inlaichinna pawh a tihngheh zual tur thu a sawi.
A hmain Manipuri pawl pahnih, Youth's Action Committee for Protection of Indigenous People leh Manipur Youth Front of Assam pawhin Assam associate official language-a Manipuri ṭawng telh tur hian a lo ngen tawh bawk. Manipuri ṭawng hi India rama recognised language 22 zingah a tel a ni.