Hmarchhak-a HC pangaah thubuai tih fel loh 58,000 awm mek

Union ministry of law and justice data tihchhuah thara a lan danin, hmarchhak-a High Court pangaa thubuai la tih fel loh 58,136 a awm mek a,  hei bakah hian district leh subordinate court hrang hranga thubuai tihkhawtlai la awm mek chu 3,94,654 a awm bawk. 

Gauhati High Court-a thubuai tihkhawtlai awm mek chu 50,000 chuang niin a tam ber a, Manipur High Court-in dawtin case tih fel loh 4,170 a la awm mek bawk. Tripura High Court-ah case 2,127, Meghalaya High Court-ah 1,422 leh Sikkim High Court-ah case 240 chin fel loh an la awm mek. 

District leh subordinate court hrang hranga thubuai tihkhawtlai la awm mek 3, 94, 654 zinga 3,31,628 chu Assam-ah niin,  Tripura-ah 34,410, Manipur-ah 10,200, Meghalaya-ah 10,109, Mizoram-ah 5,448, Nagaland-ah 1,345 leh Sikkim-ah 1,505 a awm bawk a ni.