Meghalaya: Tourist taxi buaina buaipuitu tur committee din

Meghalaya sorkar chuan local tourist taxi driver-ten an state-a khualzin lutte phurh chungchangah an thil ngiat ngaihtuah turin committee a din.

He committee hi Tourism Director in a kaihruai a, Tourism, Law, Police leh district administration department aṭangin member tur ruat an ni bawk.

Meghalaya-a taxi driver te hian an state-a khualzin lutte, Shillong aṭanga state chhung hmun danga phurh kual chungchangah local taxi te chauh hman phalsak an phut a, state dang taxi te chu Shillong thleng chiah khualzin phur luh phalsak a, khuahkhirhna siam an phut a ni.

Hetih lai hian state sorkar chuan taxi te hian national leh regional permit te an neih theih avangin, local taxi te thil phut tihpuitlinsak mai hi a la tim niin a lang. Commitee hian an state tlawhtu khualzin luh zat leh local driver-te hna hmuh dante zirchiangin, an buaina chinfel theih dante a ngaihtuah ang.