Sorkar laipuiin ULFA(I) leh NDFB(S) helte biak tum lo

Sorkar laipui chuan Paresh Barua-a kaihhruai United Liberation Front of Assam (ULFA-Inde­pendent) leh Songbijit-a kaihhruai National Democratic Front of Bodoland (NDFB-S) helpawlte chu remna zawnga inbiakna neihpui a tum loh thu a tarlang.

Union Minister of State for Home Affairs Kiren Rijiju chuan hel­pawl hnihte hi tharum thawhna hrang hrangah an la inhnamhnawih reng avang leh rawng taka pawisawilote chunga an chet ṭhin avangin remna zawnga inbiakna neihpui an duh loh thu Lok Sabha inkhawma zawhna a chhanah a sawi.

Assam MP Bijoya Chakravarty zawhna chhangin Rijiju chuan helpawl hnihte hi mi­puite hnen aṭanga pawisa khawn luih leh tlanna sum phuta mi rukbonaah nasa takin an inhnamhnawih tiin a sawi.

Union Minister Rijiju chuan helte tharum thawhna dolet tura state sorkar hmalakna chu sorkar laipuiin a thlawp thu leh a puih ṭhin thu a sawi a, pawisawilote chhunga nunrawng taka che te leh mipuite tana harsatna thlentute chu inbiakna an neihpui tur chhan a hriat loh thu a sawi bawk.