Ar natna hri leng vangin ar 122 suat tawh

Manipur khawpui, Imphal-a Indian Council of Agriculture Reasearch (ICAR) poultry unit-a ar natna hri, Bird flu (avian influenza) leng vangin Thawhṭanni aṭang khan ar vulh laite chu suat ṭan a ni a, ar 122 suat tawh a ni.

ICAR official chuan an ar vulhte chu suat chhunzawm zel a nih tur thu leh ar te chu guidlines anga uluk taka phum an nih thu a sawi.

Bird flu natna hri­leng chungchangah Veterinary and Animal Husbandry Director Dr N Rajendro chuan fimkhur a ngaih thu sawiin, an zun leh ek aṭangin save pem chi te'n natna an kai theih thu a sawi.

Hetihlai hian Im­phal West Deputy Commissioner Ning­thoujam Goeffrey chuan department dang hotute nen meeting koin, natna hri leng darh zel tur ven dan an ngaihtuah ho a, DC chuan surveillance zone chhunga ar leh artui hralh a khap bakah forest department te chu ICAR poultry unit huam chhunga ran leh sava lam chi luhtir lo turin a ngen bawk.