AP leh Nagaland-ah AFSPA thla ruk chhung pawtsei

Ministry of Home Affairs (MHA) chuan sipai hnena thuneihna sang pekna, Armed Forces (Special Powers) Act (AFSPA) chu Aruanchal Pradesh leh Nagaland-a district ṭhenkhatah October 1 aṭangin thla ruk chhung a pawtsei leh.

Hmarchhak state pahniha dan leh thupek dinhmunte an ennawn leh hnuah MHA chuan he thutlukna hi a siam a ni.

Arunachal Pradesh-ah hian AFSPA hi Tirap, Changlang leh Longing district-ahte pawhsei a ni a, hei bakah hian Assam ramri bulah Namsai, Mahadevpur leh Namsai district a police station huam chinte a tel bawk. Nagaland ah hian district pariat-ah pawhsei niin, chungte chu Dimapur, Niuland, Chumoukedima, Mon, Kiphire, Noklak, Phek leh Peren te an ni.

ASFPA hian sipai chakna hman chungchangah misual zawn, man leh buaina thlenna hmuna silai hmeh puahte thlengin thuneihna sang tak a pe a ni.

Nagaland-ah hian Myanmar nen an inrina hung loh hi km 215 awmin Arunachal ah hian China, Myanmar leh Bhutan nen an inrina hungloh km 1817 a awm bawk.