Tripura HC in loudspeaker, sound amplifier leh DJ hman khap

Tripura High Court Division bench chuan zan dar 10 aṭanga zing dar 6 thleng mipui vantlang chenna hmunah thawm bengchheng siam loh tiin, hemi hun chhung hian decibel 65 aia ring loudspeaker, sound amplifier leh DJ hman te a khap. Chief justice AK Singh leh justice Arindam Lodh awmna bench chuan Nilaini khan state sorkar chu kum 2014-a Tripura High Court in noise pollution chungchanga thupek a siam tawh zawm turin state sorkar a hriattir a ni. High Court thupek bawhzuiin state sorkar chuan Sub- Divisional Police Officers techu puipunna a loudspeaker hman chungchangah hmala turin a ruat nghal bawk.

Tripura ah hian kum kalta aṭang khan Ganesh puja an lawmnaah thawm a nasa zual hle a, kuminah phei chuan ni thum chhung tawrh hleih theihloh thawm bengchheng an chhuah a ni. Hemi thil thleng vang hian editor Roychoudhury chuan Director General of Police, Chief Secretary leh State Pollution Control Board-ah action la turin thu a thlen a, a duh ang chhanna a hmuh loh avangin PIL hmangin high court a thlen ta a ni.