Assam inthlanah AASU-AJYCP party-in seat 80-100 chuh tum

All Assam Students’ Union (AASU) leh Asom Jatiyatabadi Yuva Chhatra Parishad (AJYCP) in political party din an tum chuan nakkuma Assam assembly inthlan neih turah seat 80-100 inkar chuh an tum tih an sawi. 

Member 18 awmna, ‘Assam Advisory Commi­­ttee’ in pawl pahnih­te hi political party din tura thurawn a pek hnuah, an party din thar hi an puang thuai dawn nia sawi a ni. 

AASU leh AJYCP chuan inthlan neih tur atana Congrss party-in ṭang­rual pawl,‘Grand Alliance’ a siam tur chung changah inbiakna an la neihpui loh thu an sawi bawk. Hemi rual hian Krishak Mukti Sangram Samiti (KMSS) nena inbe tur chuan a inhawng tih AASU general secretary Lurinjyoti Gogoi chuan a sawi. 

Party thar hi ni 10 chhung­in, AASU leh AJYCP hruaituten Guwa­hati-a joint press confe­rence neiin an puang dawn nia sawi a ni. Assam assembly, seat 126 awm­na hi nakkum March - April ah an inthlan rin a ni.