President Murmu-in Bharatiya Kala Mahotsav a hawng

President Droupadi Murmu chuan Inrinni khan Rashtrapati Nilayam-ah Bharatiya Kala Mahotsav hmasa ber a hawng.

Ni riat awh tur festival hi Rashtrapati Nilayam, Ministry of Development of the North-East Region (DONER) leh Ministry of Culture te buatsaih niin, hmarchhak state hrang hrangte culture pholanna tura tih a ni. He hunah hian Arunachal Pradesh, Assam, Manipur, Meghalaya, Mizoram, Nagaland, Sikkim, leh Tripura traditional art, rimawi, hnam lam leh incheina te pholang a ni ang.

President Murmu chuan India ram cultural hrang hrang awmte humhalh a ṭul thu sawiin, "Hemi kawngah hian kan zavaiin mawhphurhna kan nei a ni," a ti. Hnam lam, rimawi, themthiamna leh hnam incheinate hi inpumkhatna thlen theitu a nih thu a sawiin, festival chu North-East mite hnam ziarang leh khawtlang nun dan anlo hriat zau zelna tur a ni tiin, hei hi India ram hmarchhak leh chhim lamte pawh inhriatthiamna leh inpawhna remchang siamna a ni, a ti bawk.