Manipur University campus bulah bomb a puak

Imphal, Canchipur-a Manipur University gate bulah Nilaini khan bomb a puak a, mi panga-in hliam an tuar.

Bomb puak hi IED (Improvised Explosive Device) a ni a, khuang chhungah dah niin, a kamtu hriat a ni lo.

Bomb puak mita hmutu, Maniton Singh leh Bijen chuan khuang chhungah plastic bag an hmuh thu sawiin, bomb nia an rinhlelh avangin midang an hriattir nghal thu an sawi.

"Khuang chu ka la a, a chhung aṭangin plastic bag a lo tla chhuak a, khuang chu hmun him lama ka dahsawn hnuah plastic bag tla chu chhar tumin ka let leh a, a rit deuh avangin ka hawng ta a, thir ang deuh ka hmuh avangin bomb a nih ka ring a, midang ka pun ta a ni," tiin Bijen chuan a sawi.

"Bomb a puah lai chuan a bul hnaia inah kan tlan lut a, a bul hnaia hnathawk, Ramesh chuan bomb chu hmun him zawka paihsawn a tumna laiin a puak hman ta si a, hliam na tak a tawrh phah a ni," tiin Maniton Singh chuan a sawi.

Bomb hi eng hel pawl mahin an tihpuah a ni tih an tarlang lo.