NE state 5 Cong convenor-ah Shillong MP

All India Congress Committee (AICC) chuan Shillong MP, Vincent H Pala chu hmarchhak state panga - Meghalaya, Assam, Manipur, Mizoram leh Arunachal Pradesh-a Congress convenor-ah a ruat.

Hetihlai hian Pala chuan rampawna India mi- Persons of Indian Origin (PIO), Overseas Citizenship of India (OCI) leh Non-resident Indian (NRI) te'n Congress an zawm theihna atan a rang lama remchang siamsak tur leh rampawna lama an innghahna sawhnghet turin AICC chu Nilaini khan a ngen.

Vice president Rahul Gandhi hnena lehkha a thawnah Pala chuan Prime Minister Modi-a'n rampawna a zinchhuahnaah Congress chanchin dik lo a thehdarh ṭhin thu a tarlang bawk.

Pala chuan ramchhung leh rampawna India mipuite laka BJP thlawptu pung chho zelah Congress party thehlar nana a rang lama hma la turin AICC a ngen a ni.