Swine flu chungchangah meeting nei
Swine flu natna hri leng chungchanga ni hnih awh meeting, 'Regional consultative conference on health' chu nimin khan Shillong-ah ṭan a ni.
Meeting hi swine flu natna hri leng chungchanga health official te zirtirna pekna tura ruahman a ni a, natna darh zel tur venna atana hmalak dan turte sawi ho a ni bawk ang.
North Eastern Council (NEC) secretariat-a meeting neihah hian hmarchhak biala specialist doctor te leh health lam mithiam te an tel a, NEIGRIHMS aṭangin mithiam eng emaw zat an tel bawk.
New Delhi-a, National Centre for Disease Control hnuaia Integrated Disease Surveillance Programme (IDSP) Director Dr Himansu Chauhan natna hrileng chungchanga hriat tur pawimawhte power presentation pein, a tarlang.
Conference hi India rama swine flu natna hrileng kaihhnawiha NEC-in state sorkar hnuaia mithiam, doctor leh health institution-a mi thiamte telna meeting a huaihawt hmasa ber a ni.
India rama swine flu natna hrileng mekah conference hi hmarchhak mipuite'n natna doletna atanna an hman ṭangkai ngei a beisei thu NEC thuchhuak chuan a tarlang.