Khua leh tui dikte tan NRC update a hlauhawm lo: Gogoi

Assam Chief Minister Tarun Gogoi chuan National Register of Citizens (NRC) update kalpui mek chung­changa pawl ṭhenkhatte'n thu dik tawk lo an thehdarh chu Assam-a India khua leh tui dik takte tan chu a hlauh­awm loh thu a sawi a, NRC update chu uluk taka kalpui a nih thu a sawi.

Gogoi chuan NRC update chu Assam ringawta kalpui loin India rampuma kalpui a duh thu a sawi.

"India khua leh tui dik takte tan an hming inziahluh danah duhthlan tur hrang hrang kan chhawp chhuak a, mahse vawiinah hian mipuite'n keimah min dem a ni. NRC update tur chung­changa All Assam Students’ Union te thlawptu chu ka sorkar a ni," a ti.

Hetihlai hian Gogoi chuan sorkar scheme hrang hrang kalpui meka hamṭhatna dawng tur thlan­chhuah kawngahte leh hmasawnna hna thawh kawngah district tina Deputy Commissioner (DC) te chu thil ṭulte a rang lama bawhzui ṭhin turin a hriattir.

"Health, education, employment, sanitation leh rehabilitation kaihhnawiha schemes hrang hrang kalpuite chu mipuite'n a taka a hlawk­na an dawn theih nan a rang thei ang bera kalpui tur a ni," a ti.