Media khuakhirh kan tum lo: Mukul

Meghalaya Chief Minister Mukul Sangma chuan a kaihhruai sorkarin media te khuahkhirh nan dan siam a tum nia sawi chungchang chu sawifiahin hetianga hmalak an tum loh thu a sawi.

Chief Minister Mukul chuan a thil ṭha duh avanga selna chu a kaihhruai sorkar chuan a pawm theih thu sawiin, media te pawhin constructive criticism an pawm thiam a pawimawh thu a sawi.

March 21 khan Mukul chuan state assembly in­khawm­ah media te'n helpawlte chanchin nasa taka an thehdarh ṭhin chu sawisel­in, media te chu helpawlte tlangau an ni tiin a sawi a, media te chu helpawlte chanchin theh­darhsaktu an ni, a ti.

Chief Minister Mukul thusawi avang hian media te chu a lakah an lungawi lo a, assembly house aṭangin an chhuak tau a ni.

Hemi hnu hian Meghalaya Editors and Publishers’ Association chuan Chief Minister an boycott nghal a, a chanchin thla khat chung an tihchhuaksak loh hnuah tun hnaia Chief Minister-in meeting nei tura a sawmna pawh an hnawl a ni.