Meghalaya: Bawng humhalhtu pawl Supreme Court-ah zualko tum

Bawng humhalhtu pawl, Swami Avimukteshwaranand Saraswati leh a kaihhruai team chu Meghalaya an luh theih loh vangin Supreme Court-ah zual ko an tum

He pawl hian India rama bawng humhalh leh bawng talh khap an duhna lantirna atan Shillong-ah kawngzawh an tum a ni. Mahse Umroi Airport-ah ṭum phalsak an ni loh avangin Meghalaya a ṭum hi an ṭhulh a, Guawhati lamah an kir leh a ni.

Airport-ah ṭum phalsak an nih loh hnuah Shankaracharya chuan Meghalaya boruak chinah Gau Pratishtha flag chu a zar tho nia sawi a ni.

October 2-a Shillong-a rally an neih tum, Gau Dhwaj Yatra hi Meghalaya-a BJP pawhin an dodal a, mipuite pawh an duh lohna lantir turin a lo ngen tawh bawk.

Hindu group hian bawng hi 'nation's mother' a puan ani a, India rama bawng talh khap a nih theihna turin hma lain, state hrang hrangah bawng humhalhna rally hi huaihawt an tum a ni. Mahse hmarchhak state hrang hrangah erawh dodalna an tawk a, Meghalaya hma hian Nagaland leh Arunachal Pradesh te pawhin an state-a rally an neih tum hi duh loin, airport-ah an chhuahsan remti loin an lo kir tir hlawm tawh bawk.