Nagaland: NSCN (Khango) in Dimapur-ah khuahkhirhna siam

NSCN/GPRN (Khango) chuan khawsak mawi lo tak thleng ṭhin venna turin Dimapur, Nagaland-ah zan rei tak thlenga nightclub, pub, lounge, restaurant, hotel leh hetiang anpui hmunte hawn a khap.

Thuchhuah siamin, NSCN/GPRN (Khango) heng hmunte hi zan dar 10 thleng bak hawn phal an ni lo tih an sawi. Hei hi mipuite leh civil society organisation hrang hrangte complaint an thehluh avanga siam an nih thu an tarlang bawk. Zan rei tak thleng heng hmun hawnte hian khawtlangah a ṭha lo zawnga nghawng a nei ṭhin tih sawiin, zan reia mawi lo taka khawsa ṭhin zingah kum tling lo te leh uniform nena inthuam zirlaite pawh an tel hmuh chuan an rilru pawh a khawih hle tih an sawi bawk.

Zan lama khuahkhirhna an siam bakah, NSCN/GPRN (Khango) chuan hunpui laiin Dimapur leh a chhehvela halpuah lam chi reng reng zawrh leh hal an khap bawk.

He thutlukna hi mihring hriselna atan te, boruak thianghlim a awm theihna atan leh noise pollution tih ziaawm nana ti an ni tih an sawi.