Sikkim-ah Science College hawn a ni

Thawhlehni khan Government Science College chu West Sikkim district-a Chakung-ah hawn a ni.

Sikkim Assembly Speaker KN Rai chuan college hawnna hun hi a hmang a, MLA bakah state HRD minister RB Subba leh mi pawimawh dang ten an telpui a ni. Rai chuan state tam takin an neih loh Science College hawn a ni ta chu lawmawm a tih thu sawiin, ṭangkai taka thiamna tak tak zirchhuah nana hmang tura a duh thu a sawi. Science College din chu CM vision a nih ṭhin thu sawiin, hawn a lo ni ta hi a ropui tak zet a ni a ti bawk. HRD minister RB Subba pawhin hmasawnna ropui tak a nih thu sawiin, zirna chu eng tik lai pawha thil pawimawh a ni, a ti. Subba hian kum li chhunga zir tur BSc leh BEd course chu Science College-ah hian hawn tel a nih tur thu a puang a ni.