Indo-Bangla Border Guards Conference zo

Nili awh Indo-Bangla border guards confe-rence Tripura khawpui Agartala-a neih chu Nilaini khan zawh a ni ta. He conference hi Border Security Force (BSF) India leh Border Guard of Bangladesh (BGB) ten an hmang a ni.

Conference-ah hian rawlrala chetna, ramthuam leh mihring hmanga sumdawnna chungchangte sawiho a ni. Meghalaya BSF IG, P K Dubey chuan hmarchhak huam chhungah BSF hmalaknain Border outpost thar 50 din tuma hmalak mek a ni a ti a, tun dinhmunah hmarchhak-ah hian Border outpost hi 35 a awm mek niin a tarlang. Indo-Bangla Border area-ah Border outpost tam thei ang ber dah a nih theih nan hmlak zel a nih tur thu a sawi bawk. Hei bakah hian Mayanmar leh India inrinna-ah border outpost dinbelh tura ruahmanna siam mek a ni thu Dubey chuan a sawi. BSF leh BGB te chuan ramri kaltlanga ralthuam leh mihring hmanga sumdawng ṭhinte dap chhuah kawngah nasa zawka ṭan lak an duh thu sawiin, dan loa ramri kan an awm ṭhin chu an ngaih pawimawh thu leh titawp tura hmalak an duh thu an sawi ve ve a ni. He conference-ah hian tunhnaia Bangladesh khawpui Dhaka-a ISIS te pawikhawihna rapthlak tak thleng chu sawi chhuah a ni bawk.