M'laya sorkarin a hlawhtlinnaah report card siam tum

Congress party high command chuan Congress party kaihhruai Meghalaya sorkar chu party manifesto a tihlawhtlin leh tihhlawhtlin loh tarlan nan a hmalaknaa a hlawhtlinnaah, report card siam turin a hriattir.

"MPCC president D D Lapang chuan Chief Minister Mukul Sangma chu kum 2013-2014 leh 2014-2015 chhunga state sorkar hlawhtlinnaah report card siam turin a hriattir," tiin AICC general secretary (in charge Meghalaya) V Narayanasamy chuan a sawi.

AICC general secretary Narayanasamy chuan report card chu peihfel a nih chuan mipuite'n state sorkar an tana thil a tihte an hriat theih nan leh puan darh atan district, block leh booth level-a party hruaitute leh party worker te hnenah pek a nih tur thu a sawi.

April 23-a ni thum cham tura Meghalaya tlawhtu Narayanasamy chuan kum 2013 assembly inthlan dawna party manifesto tihpuitlin a ni em tih zirchian tumin Meghalaya a tlawh a, party manifesto te tihpuitlin a nih vek theih nan hun bithliah an tum thu a sawi.

AICC general secretary chuan an party thiltum chu hmasawnna thlentir a ni tih sawiin, Meghalaya-ah chuan agriculture leh tourism sector tihchangtlun a pawimawh thu a sawi.

"Hna thawh tur siamna atan industry lam tihchang­tlun kan tum a, hemi atan hian ruahmanna kan siam mek a ni. Hemi atan hian skill development thlen thei tur- technical institution leh university lam te kan ngaipawimawh ang," tiin Narayanasamy chuan a sawi.