AP : Sorkar laipui aṭangin Rs vbc 2,000 phut

Arunachal Pradesh deputy chief minister Chowna Mein chuan China lam inrawlh ṭhin avangin international agency aṭanga puihna an hmuh thei tawh lo a, hei vang hian state chhunga hmasawnna hna thawhna turin sorkar laipui chu fund a pek ti pung a, Rs vbc 2,000 pe turin a phut.

Chowna Mein hian union finance minister Nirmala Sitharman nena meeting an neih ṭumin hei hi a sawi a, pawn lam aṭanga project thawhna tura puihna an dawn mumal tawh loh avanga hna thawh kawnga harsatna an tawhte a sawi lang a ni.

Mein chuan sorkar laipui chu SPT residential quarters chhe tawh 5,500 te RCC building chhawnga sakna turin one-time grant Rs vbc 2,000 pe turin a ngen.Thawm ṭhat hna thawk tur hian tlangrama awm a nih avangin leh infrastructure te hi an chhiat tawh avangin senso pawh a tam dawn niin a sawi.