Meghalaya : 16th Finance Commission-ah Rs vbc 1.14 phut

Meghalaya sorkar chuan 16th Finance Commission-ah kum nga chhung grant Rs vbc 1,14,745 pe tura ngenin memorandum a thehlut.

Chief minister Conrad Sangma chuan Commission chairman Arvind Panagariya hnenah sum an mamawhna leh hmanna tura ruahmanna an siamte chu a pe a ni.

State sorkar hian sector 12 thawmṭhat a ngaih thu sawiin Rs vbc 43,251 sen a ngai dawn tih a tarlang. Grant an mamawhna chhan an tarlanah hian inkalpawhna kawngpui siamna tur chu dah pawimawh berin, hemi atan hian Rs vbc 14,750 an dil a, power sector atan Rs vbc 6,207 leh water sector atan Rs vbc 4,122 an dil bawk.

Sector dang - urban development, tourism, education, health leh nutrition, agriculture, youth engagement, administration tihhmasawn, forest and environment leh private sector tihchangtlunna turte chu an dil zingah hian a tel a ni.

Heng bakah hian state sorkar chuan pre-devolution gap chinfelna atan Rs vbc 69,324 a dil bawk a, State Public Sector Enterprise (SPSEs) tan Rs vbc 500 leh tualchhung a hman atan Rs vbc 1,670 grant a dil tel bawk.