Meghalaya : SSA zirtirtu ten hna chelh chhunzawm zel phut

Meghalaya SSA School Association (MSSSA) chuan Samagra Shiksha Abhiyan (SSA) hnuaia zirtirtuten an hna chelh lai an chhunzawm zel theihna tur policy siam turin state sorkar chu thla hnih chhung hun a pe.

General executive committee meeting an neihah, member-te chuan hlawh pun lam aiin state dang anga an hna chelh lai rei tak chelh chhunzawm an duh thu an sawi a ni.

MSSSA president Aristotle Rymbai chuan SSA zirtirtuten an hlawh pun thu ah leh an service hun chhung tihfel vat a nih theihnan sorkar nawr an tum tih a sawi. An pawl chuan education department chu hemi chungchanga ruahmanna a siamte state cabinet hnenah thla hnih chhunga theh lut turin an ngen bawk. An thil phut hi a hlawhtling lo a nih chuan nawrh huaihawtah an vau.

MSSSA chuan an thil phutte ngaihtuah a nih ngei theihna turin cabinet minister-te bakah chief minister Conrad K Sangma pawh hmuh an tum.