Tripura : Agartala airport-ah pp-based cap service hmang dawn

Tripura transport minister Sushanta Chowdhury chuan Agartala-a Maharaja Bir Bikram Airport-ah app-based cab service, Ola leh Uber chu state sorkarin hman turin a ruahman tih Nilaini khan a sawi.

Tripura-a airport awmchhun, Maharaja Bir Bikram Airport-ah hian khualzin lut leh chhuakte tan prepaid taxi leh three-wheeler service hman a ni. App-based cab service hi hman a nih chuan khualzinte tan a awlsam phah dawn bakah, prepaid taxi te aiin a tlawm thei zawk dawn a ni.

Airport-ah hian nitin khualzin lut leh chhuak hi mi 4,000 chuang an awm ṭhin. Taxi leh three-wheeler ten duhtusam a ṭha service an pek theih loh ṭhin avangin Ola leh Uber hi state sorkar chuan chhawp chhuah a tum a, mahse hei hian midangte sumdawnna a nghawng buai loh tur thu a sawi. India rama airport zawng zawng deuh thaw chuan app-based cab service hi an hmang niin a sawi bawk.