Assam: Assamese leh ṭawng dang pali "Classical" language status pe

Sorkar laipui chuan Ningani khan India rama ṭawng chi nga, Assamese, Bengali, Marathi, Pali leh Prakrit chu classical language status a pe.

He thutlukna hi heng ṭawng hausakna chhawm nun leh humhalh kawnga hma lak a nih theih nana tih a nih thu union minister Ashwini Vaishnaw chuan a sawi.

India rama classical language a pawm tawh zat ṭawng 11 na an ni a, anni hma hian Tamil, Sanskrit, Telugu, Kannada, Malayalam leh Odia te pawm an lo ni tawh bawk.

Heng ṭawng te hi classical language a pawm a nih theih nan kum tam tak an lo zirchiang tawh a, kum 2014 aṭang khan Marathi pawh a tel ve theih nan an lo nawr tawh bawk a ni. Congress leader Jairam Ramesh chuan heng an thil phut tihhlawhtlin a nih mai loh avangin sorkar ah demna pawh a lo ti lang tawh a ni.

Heng ṭawngte hian classical language an nih theih nan tehfung hrang hrang an paltlang a ngai a, chung zingah chuan kum 1,500-2,000 liam ta aṭanga an ṭawng hman dan chi hrang hrang, knowledge text, prose text, epigraphical leh inscriptional evidence leh distinct identity te an neih a ngai.

Assamese hi Assam-ah hman niin, West bengal ah hian Bengali, Tripura leh Bangladesh, Maharashtra ah Marathi a ni a, Pali hi India ram hmun ṭhenkhat leh Laos, Myanmar, Sri Lanka, Thailand leh Vietnam ah te an hmang a ni. He ṭawng hi Budhha sermon-an ṭawng tia hriat a ni a, university ṭhenkhatah an zir a ni.