Meghalaya : Khuarel chhiatna vangin mi 10 in nunna chan

Tun hnaia ruah a sur nasat avangin Meghalaya hmun hrang hrangah leimin leh tuilian a nasa hle a, district pangaah mi 10-in nunna an chan tawh. Thite hi South Garo Hills-ah mi pasarih leh West Garo Hills-ah mi pathum niin official in a tarlang.

Chief minister Conrad K Sangma chuan kar liam ta Inrinni zing khan chhiatna thleng chungchang sawiin, district hotute chu puihna an mamawh angte sorkar hnenah thlen tur leh chhiatna thlenna hmunah chhawmdawl hna thawk turin a chah.

Chhiatna thlenna hmunah hian National Disaster Response Force mi leh sate chuan chhanchhuah hna an thawk a, hmun hrang hrangah leimin a awm avangin Dalu leh Bangmara inkar kawng leh kawng ṭhenkhat dang pawh a ping tih state disaster management officer chuan a tarlang. CM Sangma chuan sorkar official-te chu inkalpawhna kawng dang zawng turin a ngen a, tuilian in a hnawl leite pawh bailey bridge-a thlak thuai turin a ti bawk. District hotute chu khaw chin ngaichang reng tur leh chhiatna thlengte ngaihven reng turin a chah a ni.