Meghalaya-in Dec 21 aṭangin tourism sector hawng dawn

Meghalaya sorkar chuan December 21 aṭangin tourism sector a hawng dawn a, state pawn aṭanga khualzinte luh a phalsak tawh dawn. 

Cheif minister Conrad K Sangma chuan tourism sector hawn a nih tur thu hi a sawi a, mahse mitinte himna turin an state-a khualzin luh tumte chu meghtourism app tih an siamah in register vek tur leh, sorkarin kaihhruaina a siamte zawm vek tura beisei an ni tih a sawi. 

State chhunga tourist place hrang hrangte chu October 16 aṭang khan state chhung mipuite tan bik chuan hawn a ni tawh a ni. Heng hmunah hian kaihhruaina siamte chu khauh taka kenkawh a ni. 

Hemi hma, September thla khan Wards Lake, Elephant Falls leh Lum Nehru Park-te chu state mipuite tan bik tlawh phal a lo ni tawh bawk.