Nagaland : IPS officer-in police chawimawina ACAP award dawng dawn

Nagaland-a Phek district Superintendent of Police (SP), Pritpal Kaur-i chu October 22, 2024 a Boston, Massachusetts, United Statesa International Association of Chiefs of Police (ACAP) award dawng tura thlan a ni.

Dentist aṭanga police officer-a inlet, Pritpal Kaur hi 2016 IPS batch niin Haryana a piang a ni a, Noklak leh Longleng district ah SP hna a lo chelh tawh bawk. Kum 39 mi niin, International Inspiration Women Award 2023, Women Power India Award 2023, Skoch Gold Award 2023, Global Women Leader Award 2024 leh DGP Disc Award pawh a lo dawng tawh bawk.

Pritpal Kaur hi tualchhung mite tan theihtawp chhuah a ruihhlo do kawngah pawh thawh hlawk tak ṭhin a ni. Zirna chungchang pawh a ngai pawimawhin, awareness a buatsaih ṭhin. Zirlaite chu competitive exam inbuatsaih kawnga a puih bakah thingtlang nu te chu mimal thianghlimna leh mahni invawnfai dan a zirtir ṭhin a ni.

Dentist a nih bawk angin ha lama harsatna neite a enkawl ṭhin bawk. Heng a hnathawh ṭhatte avang hian chawimawina dawng tur hian thlan a ni.